XX. mendeko Euskararen Corpus estatistikoa
Testuingurua
- Egia al da, maisu, berorrek hegan egiteko asmoa duela? Guztien ahotan dabilen kontua da.
Leonardo da Vincik begiratu egin zien erantzunaren zain irrikitan zeuden bi aurpegiei.
Gero, barre-algara batez, erantzun zien: - Jakina, oraindik ez dut hegan egin, baina egunen batean egingo dut. Eta nik egiten badut, beste batzuek egingo dute. Gizakiak, txoriek bezala, hegan egingo du.
- Txoriek bezala? - Bai, txoriek bezalaxe.
Oraintxe ari naiz, hain zuzen, txori handi bat eraikitzen.
Egunen batean berak bakarrik egingo du hegan eta mundu osoa miretsirik geratuko da.
- Indar handia izan beharko du txori horrek, berezko bizitza izan gabe hegan egin ahal izateko.
- Halaxe da; bultzatuko duen motorea aztertzen ari naiz oraindik.
- Motorea?
Leonardo (Vinci, 1452-Cloux, 1519).
- Lehenengo zikloan ikasitakoa berrikusi.
- Teknologi arloa zer den eta teknologi proiektua zertan datzan ezagutu.
- Egiturak, mekanika, elektrizitatea, elektronika, pneumatika eta hidraulika zer diren eta nola lantzen diren ulertzea.
- Zenbait marrazki-teknika gogoraraztea eta objektu bat perspektiban, bere bista eta guzti, irudikatzea: oina, aurretiko bista, eta profila.
- Materiala erosteko prozedura simulatzea, horretarako behar diren dokumentuak erabiliz.
- Gailuak eta tresnak eraikitzeko beharrezko diren erremintak eta materiala ezagutu eta erabiltzea.
Naturan eta gizakiaren bizi-kalitatean teknologiak duen eraginaz gogoeta egitea.